Skip to content
Confidential & 100% Free Fellowship.
PH: 0912-811-0676 | CA: +1 (613) 406-0512 | Join Next Zoom

RISE Philippines - Anonymous Gambling Recovery Fellowship

Core Philosophy

The 4 Pillars of Gambling Recovery

Ang compulsive gambling ay hindi simpleng kakulangan sa pera o moral flaw—ito ay isang progresibong karamdaman. Ang ating landas tungo sa pagbangon ay nakatindig sa apat na prinsipyo upang tulungan kang makaahon mula sa kawalan ng pag-asa tungo sa pangmatagalang kalayaan.

R
Pillar One

Recover (Pagbangon)

Pagtigil sa mapanirang siklo ng paghahabol sa talo (chasing losses). Paglayo sa mga online casinos, betting apps, e-sabong, at slots upang simulan ang pisikal, emosyonal, at mental na paggaling.

  • Unang 24 oras ng paghinto sa pagtaya (One day at a time)
  • Pag-block sa sugal apps at pagbibigay muna ng kontrol sa pera sa mapagkakatiwalaang kapamilya
  • Araw-araw na pagdalo sa mga recovery meetings
Simula ng Kalayaan
I
Pillar Two

Improve (Pagbubuti)

Pag-aayos sa nasirang tiwala sa pamilya, pagbuo ng makatotohanang plano para sa mga naiwang utang, pagpapanumbalik ng kalinawan ng pag-iisip, at pagpapatibay ng malusog na pamumuhay.

  • Tapat na komunikasyon at unti-unting pagpapanumbalik ng tiwala sa asawa o pamilya
  • Makatotohanang pagharap sa utang nang walang halong sugal
  • Pagbabalik ng pokus sa kalusugan, trabaho, at pananagutan
Pag-aayos ng Sarili at Pamilya
S
Pillar Three

Surrender (Pagsuko)

Pagtanggal sa ilusyon na kaya nating kontrolin ang sugal o ang mito ng "isang huling panalo na aayos sa lahat." Pagtanggap na kailangan natin ng tulong at hindi natin ito kayang mag-isa.

  • Pagsuko sa maling paniniwala na mababawi pa ang natalong pera sa pamamagitan ng pagtaya ulit
  • Pagtanggap ng suporta at gabay mula sa mga kasama sa recovery
  • Pagpapakumbaba at pagbitiw sa pride
Kalinawan at Kapakumbabaan
E
Pillar Four

Empower (Pagpapalakas sa Iba)

Pamumuhay nang may tunay na dangal, paggabay sa mga bagong dumarating, at pagpapatunay sa iba sa Pilipinas na posible ang isang payapa at makabuluhang buhay na walang sugal.

  • Pag-alalay at pakikinig sa mga bagong sumasali
  • Pagbabahagi ng lakas, pag-asa, at karanasan sa bawat pagtitipon
  • Pamumuhay nang may integridad at katahimikan ng isip
Pag-asa at Pagtulong sa Kapwa
Tula ng Pagninilay at Pagbangon

PAMUNAS NA PANLUNAS

Alay sa bawat kapatid na sugatan, nanghihina, at naghahanap ng lakas upang kumawala sa tanikala ng sugal.

Sakit na walang lunas, ang aking dinaranas. Mga luha ang dulot, sa lungkot ko'y pinanghuhugas. Walang natira, walang iniwan, pati pag-asa ko'y nilimas. Anong sakit pa ba ang nararapat, para sa bisyong ito'y makaalpas?

Naging mabagal ang orasan ngayon, dahil sa nakaraan at kahapon. Panghihinayang sa nawala, mga naubos at itinapon. Bagyong nakakatakot, kahit maaliwalas ang panahon. Mangatog ka man sa ulan, wala na sa iyong magpapasilong...

Pa'no nga ba kumawala, sa sugal na tanikala? Kung pati sarili ko sa salamin, pinadidirihan na akong makita. Sugal ay isang hagdanan, na dinesenyo lamang pababa. Pero gagapang ka paahon, dahil pati lakas mo kanyang kinuha.

Alam mo ba 'yung isang bugtong, na walang kasagutan? Ito 'yung bugtong-hininga ng sugarol, na mula sa kalungkutan. Isang malalim na paghinga, na puno ng takot at pangamba, Habang tulala ka sa isang sulok at nawawalan ng pag-asa.

'Wag ka mag-imbento ng gamot para ikaw gumaling, Mas tuklasin mo ang rason kung saan ito nanggagaling. Dahil mas kumakati ang sugat kapag malapit na itong gumaling, Tiisin mong 'wag kamutin, baka manariwa't duguin.

Lahat ay may hangganan, at may katapusan. 'Wag mo pasanin mag-isa, para hindi ka mabigatan. Alam kong mahirap at masukal ang iyong pinagdaanan, Hayaan mong ituro namin sa'yo kung pa'no magtanggal ng tinik mula sa 'yong talampakan...

RISE Philippines Recovery Fellowship
About Us

Ang Kwento ng RISE Philippines

Ang RISE Philippines ay hindi isang company, business, o rehab center. Kami ay isang community ng mga recovering problem gamblers—mga taong nakaranas din ng matinding paglubog sa utang, pagkasira ng relationships, at pagkawala ng direksyon dahil sa online casino, e-bingo, at iba pang uri ng sugal.

Nagsimula ang fellowship na 'to kasi nakita namin na kulang na kulang ang libre at anonymous na support groups dito sa Pilipinas, lalo na para sa mga taong nahihiyang humingi ng tulong. We know exactly how it feels na mag-isa, natatakot mahusgahan, at hindi alam kung paano makakaahon.

Kaya namin binuo ang RISE—para mag-provide ng isang safe space kung saan ang bawat Pinoy na nalulong sa sugal ay pwedeng bumangon, matuto from each other's experiences, at patunayang may pag-asa pa.

Our Mission

To provide a 100% free, confidential, and easily accessible peer-to-peer recovery fellowship para sa mga Pinoy na lumalaban sa gambling addiction. Wala kaming hinihinging bayad, membership fees, o kahit anong donasyon mula sa mga attendees. Ang tanging requirement lang para makasali ay ang honest na kagustuhang tumigil sa pagsusugal.

Mga Madalas Itanong

Paano Namin Isinasabuhay ang 4 Pillars?

Kailangan bang sundin ang mga pillars na ito nang sabay-sabay?

Hindi. Ang recovery ay ginagawa nang paisa-isang araw. Nagsisimula tayo sa Recover (paghinto sa pagsugal ngayong araw) bago unti-unting isabuhay ang iba pang mga haligi sa tulong ng grupo.

Bakit mahalagang may kasama kaysa lumaban nang mag-isa?

Ang compulsive gambling ay nabubuhay sa lihim at hiya. Sa pamamagitan ng RISE, may mga makakasama kang nakakaunawa sa eksaktong bigat ng nararanasan mo nang walang paghatol.

Paano kung mag-relapse o magsugal ako ulit habang nasa proseso ng Recovery?

Bahagi ng proseso ang pagkadapa. Ang haligi ng Surrender ay nagtuturo sa atin na maging tapat. Kung mag-relapse ka, bumalik ka lang sa susunod na meeting. Walang manghuhusga sa iyo, ang mahalaga ay muli kang bumangon.

Handa ka na bang simulan ang iyong pagbangon?

ROOM OPEN 24/7
Sumali sa Zoom Meeting
Get In Touch

We Are Ready to Help You.

Reach out via phone, text message, or our anonymous form. A fellow recovering member will respond discreetly. We do not report to employers or credit agencies.

🇵🇭 Philippines Helpline (24/7)

0912-811-0676

Tap to call directly

PH SMS

Send Text

PH WhatsApp

Chat 24/7
Overseas / Canada

🇨🇦 Canada / North America Helpline

+1 (613) 406-0512

Tap to call directly

Canada SMS

Send Text

CA WhatsApp

Chat 24/7

Confidential Email

help@risephilippines.com

Tap to compose email • Replies within 12 hours

Request an Anonymous Callback or Info

You only need to provide a first name or alias. Your email or mobile number is used strictly to reply to you.

* Your contact information is kept strictly private and will never be shared with banks, corporations, or authorities.

Non-Clinical Peer Support Fellowship & Medical Disclaimer

RISE Philippines is a voluntary, autonomous peer recovery fellowship modeled after the 12 Steps of Gamblers Anonymous. We are not a hospital, clinic, licensed mental health facility, or debt management institution. We do not provide clinical therapy, medical advice, psychiatric diagnosis, or legal bankruptcy counseling.

If you or someone you know is having thoughts of self-harm, severe psychiatric distress, or experiencing an emergency, please contact the National Center for Mental Health (NCMH) 24/7 Crisis Hotline at 1553 (Luzon Toll-Free) / 0917-899-8727 or dial 911 immediately.